కవితా స్రవంతి

ఇగో నిన్నే !

కవితా స్రవంతి
- ఫణి మాధవ్ కస్తూరి ఇగో నిన్నే .... ఎందుకా చికాకు ? ఎవర్ని చూసి ఆ అసహనం ? ఎవడ్ని చూసినా ఆ కోపం ? ఇగో నిన్నే ... ఒక్క సారి చుట్టూ చూడు, ఇప్పుడు లోపలికి చూడు.. అసలు నిన్నవడైనా పట్టించుకుంటునాడా.. నిన్ను నువ్వు గమనిస్తున్నావా ఇగో నిన్నే ఎన్నాళ్ళైంది నువ్వు మనసారా నవ్వి, పక్కవాడి ఎదుగు చూసి నవ్వి నీవాళ్లతో మనసు విప్పు మాట్లాడి. అసలు నీతో నువ్వు మాట్లాడి... ఎన్నాళ్లైందీ... ఇగో నిన్నే ఎందుకా ఇగో… ఏం సాధించావని ఇగో నిన్నే... గుర్తెట్టుకో...జనం లేక మనం లేము.. ఆ మనం లో జనం లో నువ్వూ ఉన్నావా ? ఇగో నిన్నే ...

భ్రమ

కవితా స్రవంతి
- పారనంది శాంతకుమారి వయసుపెరిగినంత మాత్రాన బుద్ధి పెరుగుతుందని అనుకోవటం భ్రమ. మనసుమంచిదైనంత మాత్రాన మమత ఉంటుందనుకోవటం భ్రమ. విధ్యావంతుడైనంత మాత్రాన వివేకం ఉంటుందనిఅనుకోవటం భ్రమ. అమెరికా సంబంధం అయినంత మాత్రాన అమ్మాయి సుఖపడుతుందని అనుకోవటం భ్రమ. తక్కువ చదువుకున్న అమ్మాయి వస్తే ఇంటిపనులన్నీ చేసేస్తుందని అనుకోవటం భ్రమ. కాలం కలిసి వచ్చినంత మాత్రాన నడిచివచ్చే కొడుకు పుడతాడనుకోవటం భ్రమ. రంగురాళ్ళు ధరించినంత మాత్రాన రాత మారిపోతుందని అనుకోవటం భ్రమ. డబ్బు సంపాదించినంత మాత్రాన సుఖం కలుగుతుందని అనుకోవటం భ్రమ. విరాళాలు ఇచ్చినంత మాత్రాన వైరాగ్యం కలుగుతుందని అనుకోవటం భ్రమ. తల్లితండ్రులను బయటకు పంపినంత మాత్రాన భార్యతో సుఖపడవచ్చన్నది భ్రమ. కార్పోరేట్ కళాశాలల్లో చదివించినంత మాత్రాన కొడుకు ఎత్తుకు ఎదిగిపోతాడని అనుకోవటం భ్రమ. కన్నీళ్ళు కార్చినంతమాత్రాన కరుణ ఉంటుందనుకోవటం భ్రమ. కషాయం క

అష్ట కష్టాలు

కవితా స్రవంతి
-భమిడిపాటి స్వరాజ్య నాగరాజా రావు పాదాలక్రింద మంటలు,వెన్నులోవణుకు, గుండెలోగుబులు,మనసులోదిగులు, ముందునుయ్యి,వెనుకగొయ్యి, మాట్లాడితేముప్పు,మౌనంగాఉంటే తప్పు, కన్నుమూస్తే కంగారెత్తించే కలలు, కన్నుతెరిస్తే ఆక్రమించుకొనే ఆశలవలలు. ఇలాంటి పరిస్థితుల్లో పలాయనం పనిచెయ్యదని, డోలాయమానం దారిచూపదని అర్ధమౌతోంది. వెనుకడుగు వేస్తే వెక్కిరింతలు వినిపిస్తున్నాయి, ముందడుగు వేస్తె మోచిప్పలు పగులుతున్నాయి, కుదురుగా నిలబడదామంటే కాళ్ళక్రింద మంటలు దహిస్తునాయి. ప్రారబ్ధం ప్రకోపిస్తోంది,ప్రాయోపవేశాన్ని ప్రబోధిస్తోంది. కర్మలు కర్కశంగా శపిస్తున్నాయి, ఆలోచనలు ఉపశమనాన్ని జపిస్తునాయి, ఆశలు ఆలంబనకోసం తపిస్తున్నాయి, బ్రతుకును అర్ధం ప్రశ్నిస్తోంది. కలతలు స్పర్శిస్తునాయి,నలతలు వర్షిస్తునాయి. పరిచయస్తులు పరారయ్యారు, ఆప్తులనుకున్నవాళ్ళు ఆదమరిచి ఉన్నారు, అయినవాళ్ళు అయోమయంగా చూస్తున్నారు, కానివాళ్ళు కుళ్ళబొడవ

అసంతృప్తి

కవితా స్రవంతి
-పారనంది శాంత కుమారి.  వారానికి రెండురోజులు శలవులొచ్చినా ఐదు రోజులు పనిచేయాల్సి వస్తోందని (బద్ధకస్త)ఉద్యోగస్తులకు అసంతృప్తి. ప్రారంభంలో తక్కువగా ఉన్నజీతం ఇప్పుడు ఎక్కువే అయినప్పటికీ (పేరాశాపరులైన)సాఫ్ట్ వేర్లకు అసంతృప్తి. ఇంటిలోఉంటూ పనుల్లో ఇంతోఅంతో సాయంచేసే కోడలును చూసి కొడుకుతోపాటు ఆమెకూడా సంపాదిస్తేబాగుణ్ణు కదా అని (దురాశా పరురాలైన)ఈ అత్తగారికి అసంతృప్తి. ఉద్యోగంచేస్తున్న కోడలోస్తే ఇంటిపనిలో సాయంచేయటం లేదని అన్నిపనులూ తనే చేసుకోవాల్సివస్తోందని ఆ (నిరాశా పరురాలైన)అత్తగారికి అసంతృప్తి. కూతుర్నిఎక్కువగా తమవద్దకు పంపటంలేదని ఆ (అత్యాశా పరుడైన)వియ్యంకుడికి అసంతృప్తి. కోడలు తరుచూ తనపుట్టింటికి వెళ్తోందని ఈ (ద్వేష పూరితుడైన)మామగారికి అసంతృప్తి. తమ కూతురుకొంగుకు అల్లుడు ముడివేయబడటం లేదని ఆ (స్వార్ధపరురాలైన)అత్తగారికి అసంతృప్తి. కోడలు తనకొడుకును కుక్కనుచేసి ఆడిస్తోందని ఈ(అసు

శుభ తిథులు – శుభ కార్యాలు

కవితా స్రవంతి
-(డాǁ. దోముడాల ప్రమోద్, సంసకృతి సమితి, అలమాస్ గూడ, హైదరాబాద్ ) శుభ తిథులు,శుభ తిథులు, వేద పురాణాలశుభ తిథులు | శుభ కార్యాలు శుభ కార్యాలు , వేద శాస్తారాలమ శుభ కార్యాలు.ǁ గురువులను పూజించే పౌర్ణిమ, గూరు పౌర్ణిమ , గూరు పౌర్ణిమ| యుగారంభమైన పాడామి, యుగాది, యుగాది| యమునాతో భుజిoచిన యమ ద్వితీయ బహు బిజ౬,బహు బిజ౬| అభివృద్ధి పొoదే తృతీయ, అక్షయ తృతీయ, అక్షయ తృతీయǁ శుభ తిథులు,శుభ తిథులు| శుభ కార్యాలు శుభ కార్యాలు ǁ విఘ్న విమోచన చవతి, వినాయక చవతి, వినాయక చవతి| వస౦తాలనుపంచె పంచమి, వసంత పంచమి ,వసంత పంచమి| సుబ్రహ్మణ్యుని పూజించే షష్ట్టి, స్కంద షష్ట్టి, స్కంద షష్ట్టి| సప్త కిరణాలు పొయే సప్తమి, రథ సప్తమి, రథ సప్తమి ǁ శుభ తిథులు,శుభ తిథులు| శుభ కార్యాలు శుభ కార్యాలు| శ్రీ కృష్ణుడు, జన్మా౦ఛిన అషటిమి, జన్మాష్టమి జన్మాష్టమి| శ్రీ రాముడు అవతరించిన నవమి , శ్రీ రామ నవమి, శ్రీ రామ నవమి| విజయమలు లభి౦

బాటసారిని

కవితా స్రవంతి
-శిష్ట్లా. వి.యల్.యన్.శర్మ నేనొక బాటసారిని ఈ అనంత విశ్వంలో నా వంతు పాత్ర పోషిస్తున్న నటుణ్ణి! జీవన వేద వాదానికి నాదమై ప్రభవిస్తున్న ప్రాణిని! తిరోగమన పురోగమనాలలో మునకలు వేస్తున్న అనుభూతిని! రాగద్వేషాల రంగుల తెరపై ఆలపిస్తున్న జీవన స్వరాన్ని! తరాల స్వరాల నదుల అలలపై సాగిపోతున్న పడవను! విశ్వం అంచులు చూడాలని అంతరిక్షాన్ని అందుకోవాలనీ అనుక్షణం తపిస్తున్న ఆశావహుణ్ణి! వాదాల కతీతమైన జ్ఞానమేదో మేధస్సుతో మథిస్తున్న తాత్వికుణ్ణి! స్వాప్నిక ప్రపంచంలో స్నానం చేసే ఊహల వికాసాన్ని! కర్త కర్మ క్రియల రూపాన్నై వర్తమాన జగత్తును నడుపుతున్న మానవుణ్ణి! నేనొక బాటసారిని!

తండ్రి

కవితా స్రవంతి
-అన్నసముద్రం శ్రీదేవి చిట్టి వేలితో గుట్ట నెట్లాఎత్తావయ్యా అన్నా మిమ్మల్ని పైకి తెచ్చిన మీ తండ్రి నడగమన్నాడు గురితప్పని రామబాణం రహస్య మేమిటన్నా మీ లక్ష్య సాధనలో విలుకాడు నడగమన్నాడు గండ్ర గొడ్డలిలోని గొప్పేమిటన్నా తండ్రి తోడు గ ఉంటే తెలియదన్నాడు కాళింది పైన ఆ తాండవమేమిటి అన్నా కష్టాల తోటి నాన్న దోస్తీ చూడమన్నాడు సారథి గా నీవిచ్చిన సారమేమిటన్నాను నీ జనకుని మాటలను నెమరువేయమన్నాడు అంత గొప్ప తనముందా నాన్న లోన అన్నాను అన్ని ప్రశ్నలకు అయ్యే నా బదులన్నా అయ్య మాటతో నే అట అయ్యాడొక దైవంగా అయ్యొ మరి నేనే కద నా బదులుగ పంపాను అన్ని అవతారాల అంశ అందున కలదన్నాడు (Happy Fathers Day)

అహం

కవితా స్రవంతి
-నసీమ షైక్ మనుషులను విడదీస్తుంది ,మనసులను దూరంచేస్తుంది,మమతలను మసిచేస్తుంది,మంచిచెడుల తారతమ్యాలు మరిపిస్తుంది.... నీ....నా.....అంటూ తేడాలు చూపుతుంది,నేను...నాకు...అంటూ ముందుకు సాగుతుంది,ఓటమిని అంగీకరించనివ్వదు,గెలుపును నిలబడనివ్వదు.... తెలియనిది తెలుసుకోనివ్వదు,తెలిసింది తెలుపనివ్వదు,తప్పును ఒప్పుకోనివ్వదు,తప్పిదాన్ని మన్నించనివ్వదు ...... అన్నింటికి మూలకారణం అహమే....!!అహాన్ని జయించిన జీవితం ఆదర్శప్రాయమే.....!!!!

చిన్న నాటి గురుతులు

కవితా స్రవంతి
-భువనగిరి ఫ్రసాద్ స్వర్గాని నేలకు దించి చేతి కందిస్తానంటే వద్దు పొమ్మన్నాను! భువిలోని సంపదలన్నీ ఓ పెద్ద మూటగా కట్టి పెరడులో పెడతా నంటె కాదుపోమన్నాను!! నీకు చేతనైతే చిననాటి బాల్యం తెచ్చి చిందులేసి అడ మన్న! వాననీటి గుంటల్లో గంతులేసిన జ్ఞాపకాలూ, కాగితపు పడవలతో మురికి నీటి పోటీలు, సంకురాత్రి సందెల్లోఎగరేసిన గాలిపటాలు, హరిదాసుల జోలేల్లో బిచమేసి చిట్టి చేతులు, స్వర్గాని నేలకు దించి!! గుడి గోపురం పైకెకి పావురాలను తరిమిన రోజులు, ఊరచేరువు మధ్యలో ఈది తెచిన కలువ పూలు, చవితి పొద్దున్న తిట్లకోసం విసేరేసిన పల్లేరు కాయలు, తిరిగిరాని జ్ఞాపకాలు, మరిచిపోని గురుతులు, స్వర్గాని నేలకు దించి!!

నాన్నకే!

కవితా స్రవంతి
-భమిడిపాటి స్వరాజ్య నాగరాజా రావు. రక్త పోటు,ఆటుపోటు నాన్నకే! గుండెపోటు,వెన్నుపోటు నాన్నకే! భంగపాటు,భ్రమల ఓటు నాన్నకే! ఉలిక్కిపాటు,నిద్ర చేటు నాన్నకే! విచారపు కాటు,వినోదపులోటు నాన్నకే! సమస్యలలో తడబాటు,నగుబాటు నాన్నకే! మధుమేహం,సంతానంపై మోహం నాన్నకే! అష్టకష్టాలు,నియమితిలేని నష్టాలు నాన్నకే! పలవరింతలు,వెక్కిరింతలు నాన్నకే! ఆలోచన,ఆవేదన నాన్నకే! ఒంటరితనం,ఓరిమిగుణం నాన్నకే!