Author: Sujanaranjani

Jun12019 by SujanaranjaniNo Comments

చెఱసాల

-నండూరి సుందరీ నాగమణి ద్వితీయ బహుమతి పొందిన కథ “పిల్లాడు ఫోన్ చేసాడండి, అక్కడ టార్చర్ తట్టుకోలేకపోతున్నాడట!” దీనంగా చెప్పింది రాజేశ్వరి భర్తకు కాఫీ కప్పు అందిస్తూ. “చూడు రాజీ, ఇది పోటీ ప్రపంచం… ఇక్కడ మనమూ పోటీ పడకపోతే తప్పదు… వాడికి ఇంటిమీద బెంగ ఉండటం సహజం. కానీ... నిజానికి వాళ్ళు చాలా బాగా చూసుకుంటారు. అసలలాంటి కార్పొరేట్ కాలేజీ అయితేనే వీడిలాంటి బద్దకిష్టులకి సరియైన చోటు… నువ్వేం బెంగపడకు, వాడలాగే అంటాడు.” తాపీగా టీవీ ఛానల్ మార్చుతూ, కాఫీ సిప్ చేయసాగాడు గరళకంఠం. “అయ్యో, మీకెలా చెప్పాలి? మొదట్లో టాప్ టెన్ లో ఉండేవాడు కనుక బాగానే ఉండేది. ఇప్పుడు వాడి రాంక్ తగ్గిపోవటంతో సెక్షన్ మార్చేసారట. వీడిని… వీడిననే కాదు వీడి క్లాసుమేట్స్ అందరినీ ఎంతో హీనంగా చూస్తారట. ఎన్నో మాటలు, సాధింపులనట… ఛ! ఏం మాస్టర్లండీ? ఎగతాళిగా మాట్లాడుతూ, పిచ్చి పిచ్చి అడల్ట్ జోక్స్ కూడా వీడిమీద వేస్తారట! ముడుకుల

Jun12019 by SujanaranjaniNo Comments

ఈ మాసం సిలికానాంధ్ర

మే 25,26, 27 2019 న జరిగిన అన్నమాచార్య 611వ జయంతి ఉత్సవాలు

Jun12019 by SujanaranjaniNo Comments

ఎన్నటికి చెడని వాగ్గేయం

సుజననీయం

మనం నిత్యజీవితంలో అగుపించే వస్తువులు కాలక్రమేణ క్షీణిస్తూ చివరకు అంతరించిపోతాయి. బంగారు ఆభరణాలకు కూడా 'తరుగు' ఉంటుంది. విశాల విశ్వంలో ఉన్న అతిపెద్ద నక్షత్రాలు చిట్టచివరి దశలో కాంతిని గుప్పిట బంధించే 'కృష్ణబిలాలు'గా మారుతాయని విజ్ఞానశాస్త్రం ఋజువు చేస్తున్నది. కాని, సర్వకాల సర్వావస్థలయందు అనుక్షణం, ప్రతి తలంపు శ్రీ వేంకటేశ్వరుడుపై మోపిన అన్నమాచార్యుడు 'శ్రీహరి పాదతీర్థమె చెడని మందు' అంటూ శుక్రవారం స్వామికి జరిగే తిరుమజ్జనోత్సవంలో కీర్తించాడు. 'చెడని మందు ' అతి తేలికైన తేటతెల్లని పదం. చిన్న పిల్లాడు కూడా అర్థం అలవోకగా చెప్పేస్తాడు. ఎల్లప్పుడు హితాన్ని కోరుతూ, తన పాండిత్యం ఎక్కడా ఆధిపత్యం చేయనీయకుండా, సంకీర్తనలు రచిస్తూ స్వరపరుస్తూ పాడుతూ నాట్యం చేస్తూ ప్రజల హృదయాలలో సుస్థిర స్థానం సంపాదించాడు అన్నమయ్య. మే 25, 26, 27 తేదీల్లో సిలికానాంధ్ర అన్నమయ్య జయంతి ఉత్సవాన్ని ఎంతో ఘనంగా నిర్వహించింది.

May312019 by SujanaranjaniNo Comments

ఆధునిక కవిిత్వంలో అనుభూతివాదం

ధారావాహికలు

సూక్ష్మంలో మొక్షంలాగా చటుక్కున పాఠకుడికి అనుభూతిని అందించ కలిగేవి ఖండకావ్యాలు, మినీకవితలే. ఈనాటి ఈ ఆధునిక కవితకు జీవితం భావచిత్రమే. ఈ భావచిత్రమే మినీ కవితకి కానీ, ఖండకవితకి కానీ రూపాన్నిస్తున్నది, నియమిస్తున్నది, దానిని అనుభవంగా పర్యవసింపచేస్తున్నది. ఈ భావచిత్ర తరంగాలే ఖండకావ్యాలకు రూపాన్నీ, గుణాన్నీ కల్పిస్తున్నాయి. అనుభూతికవిత భావచిత్రాలతోనే రూపుకడుతుంది. వాటినే అనుభూతులుగా పరివర్తింపచేస్తుంది. అందువల్లనే అనుభూతివాదులు పెద్దపెద్ద ప్రక్రియలను చేపట్టటం లేదు. అనుభూతివాదులంతా తమ రచనలకు ఖండకావ్య ప్రక్రియనే వాడుకుంటున్నారు. ఖండకావ్యం కాల్పనిక కవిత్వోద్యమంలో ప్రభవించిన ప్రధాన ప్రక్రియ. అందువల్లనే అనుభూతివాద కవిత్వం, కాల్పనికోద్యమ కవిత్వం ఒకటిగానూ, దగ్గర సంబంధం కలవిగానూ విమర్శకులు చెప్తున్నారు. అంతేకాదు, కాల్పనికోద్యమ కవులు సంప్రదాయంగా వస్తున్న మహాకావ్యాలను నిరాకరించి, ఖండకావ్య ప్రక్రియను చేపట్ట

May312019 by SujanaranjaniNo Comments

చిత్ర రంజని జూన్ 2019

చిత్ర రంజని

May312019 by SujanaranjaniNo Comments

గేయం

కవితా స్రవంతి

May302019 by SujanaranjaniNo Comments

గజల్

కవితా స్రవంతి

- డాక్టర్ భీంపల్లి శ్రీకాంత్ దిగులు చెందవద్దు దిగంతాలు మనవెంటే ఆవేదన చెందవద్దు ఆనందాలు మనవెంటే ఓటములు ఎదురైతే గుండె ధైర్యంతో సాగిపో గెలుపును ముద్దాడే విజయాలెప్పుడూ మనవెంటే అడ్డంకులు ఎదురైతే అడుగు ముందుకు సాగిపో లక్ష్యానికి చేరువైతే గమ్యమెప్పుడూ మనవెంటే కష్టాలు ఎదురైతే కదలి ముందుకు సాగిపో ఉదయాలు వికసిస్తే విజయాలెప్పుడూ మనవెంటే నిరాశలు ఎదురైతే ఆశయాల పల్లకిలో సాగిపో ఆశలు నెరవేరితే గెలుపులెప్పుడూ మనవెంటే గాయాలు ఎదురైతే సంతోషసాగరమై సాగిపో కన్నీటిని చెరిపేస్తే వెలుగులెప్పుడూ మనవెంటే విషాదాలు ఎదురైతే విహంగమై సాగిపో భీంపల్లి ఆనందాలు వెదజల్లే జీవితమెప్పుడూ మనవెంటే

May302019 by SujanaranjaniNo Comments

అన్నమయ్య శృంగార నీరాజనం

సారస్వతం

-టేకుమళ్ళ వెంకటప్పయ్య ఇంకా నీమనసెట్టో యెఱఁగఁ జుమ్మీ ఈ కీర్తనలో అన్నమయ్య తన్ను తాను నాయికగా భావించుకొని స్వామీ! నీ మనసునాకు తెలియరావడంలేదు. తమరిపై నాకు ఎంత కోరిక ఉన్నా వెనుకంజ వేస్తున్నాను. మీరంటే నాకు ప్రేమలేక కాదు సుమా! మీరు అన్యమనస్కంగాను, చీకాకుతోను ఉన్నారు అంటూ అన్నమయ్య స్వామితో తన శృంగార వ్యవహారాన్ని ఏకరువు పెడుతున్నాడు. ఆ విశేషాలు ఈ కీర్తనలో చూద్దాం. కీర్తన: పల్లవి: ఇంకా నీమనసెట్టో యెఱఁగఁ జుమ్మీ కొంకితి నింతే నేఁ గొసరఁ జుమ్మీ చ.1 చుక్కలు గాయఁగా నేఁజూడఁ దలెత్తితి నింతె ఇక్కడ నేముండుతా నే నెఱఁగఁజుమ్మీ చిక్కువడ్డముత్యములు చేతులఁ బట్టితి నింతే అక్కర నివేఁటివని యడుగఁజుమ్మీ ॥ఇంకా॥ చ.2 తుమ్మిదలు బెదరఁగాఁ దోడ నే నవ్వితి నింతే తమ్మిమోవి నిన్ను నేమీఁ దడవఁజుమ్మీ వుమ్మ గాలివిసరఁగా నొంటి నేఁ బండితి నింతే అమ్మరో నీతో నే నలుగఁజుమ్మీ ॥ఇంకా ॥ చ.3 చీకాకురేకులు చూచి చే గోరగీరితి నింతే

May302019 by SujanaranjaniNo Comments

వీక్షణం-81

వీక్షణం

సమీక్ష - ఛాయాదేవి ఛాయాదేవి వీక్షణం-81 వ సమావేశం శానోజే లోని క్రాంతి మేకా గారింట్లో జరిగింది. ఈ సమావేశానికి శ్రీ వేమూరి వేంకటేశ్వర్రావు గారు అధ్యక్షత వహించారు. ముందుగా అందరికీ పరిచితమైన వీక్షణం సాహితీ గవాక్షం సాహితీ లోకానికే వీక్షణంగా పేరు గాంచాలని సభలోని వారందరూ ఆకాంక్ష వెలిబుచ్చారు. మొదటి అంశంగా డా||కె.గీత శ్రీ విశనాథ సత్యన్నారాయణ గారి "జీవుడి ఇష్టం" కథానికను సభకు చదివి వినిపించి కథా చర్చకు ఆహానం పలికారు. ఈ కథపై ఆసక్తికరంగా చర్చ జరిగింది. కథలో నాగరిక, అనారిక ప్రజల్ని భారతదేశంలోని ప్రజలు, బ్రిటీషు వారిగా ఊహించుకోవచ్చని, ఇందులో ప్రధాన పాత్రధారి అయిన స్త్రీ ధైర్యాన్ని కొనియాడవలసినదని, సీతా రావణుల కథకు ప్రతిరూపమని, స్త్రీ హృదయం ఎవరూ దొంగిలించలేరని, కథ పురుషుడు రాసినందు వల్ల స్త్రీ హృదయావిష్కరణ సరిగా జరగలేదని, ఒక స్త్రీ తన పిల్లల్ని తన కళ్ల ముందు నిర్జీవం కానివ్వదని... ఇలా అనేక రకాల ఆసక్తి

May302019 by SujanaranjaniNo Comments

అమెరికా ఉద్యోగ విజయాలు – 6

ధారావాహికలు

సత్యం మందపాటి చెబుతున్న మనస్థత్వాలు బుధవారం రాత్రి. భోజనాలు పూర్తి చేసుకుని, వాకింగుకి వెళ్ళి వచ్చారు కృష్ణ, రుక్మిణి. ప్రతిరోజూ లాగానే అలవాటు ప్రకారం, కృష్ణ ఒక తెలుగు పుస్తకం, రుక్మిణి ఒక ఇంగ్లీష్ పుస్తకం తీసుకుని చదువుకుంటూ సోఫాలో కూర్చున్నారు. అప్పుడే ఫోన్ మ్రోగింది. అర్జున్. “బావా, భోజనాలయిపోయాయా? ఇప్పుడు ఆలస్యంగా పిలిచి మిమ్మల్ని డిస్ట్రబ్ చేస్తున్నానా?” అని అడిగాడు. “ఏం లేదులే చెప్పు. మనం మామూలుగా వారాంతాలే కదా మాట్లాడుకునేది. ఇప్పుడు వర్కింగ్ డే పిలిస్తే, ఏదన్నా ఎమర్జెన్సీ ఏమో అనుకున్నాను. బాగానే వున్నావా?” అడిగాడు కృష్ణ. “నాకేం? సుబ్భరంగా వున్నాను. కాకపోతే ఒక ప్రశ్న. నీ సలహా అడుగుదామని..” అర్జున్. “ఫరవాలేదు, చెప్పు” అన్నాడు కృష్ణ. “మా క్వాలిటీ డిపార్ట్మెంట్ మీటింగుకి వెళ్ళాను ఇవాళ. అక్కడ క్వాలిటీ మేనేజర్, నలుగురైదుగురు ఇంజనీర్లు వున్నారనకో. వాళ్ళల్లో మూడు రకాల మనుష్యుల్ని చ