Author: Sujanaranjani

నమస్కారం! పదేళ్ళ క్రితం, ఏప్రిల్ 2007లో, ఒక కలకి అంకురార్పణ జరిగింది. ఒక మహాయజ్ఞానికి తొలి సమిధ వెలిగింది. ఒక నలుగురి భాషాభిమానుల గుండెల్లో ఒక సంకల్పం కలిగింది. మన పిల్లలతో పాటూ ప్రపంచంలో ఉన్న తెలుగు వారందిరి పిల్లలకీ తెలుగు నేర్పే మార్గం కావాలి అన్న ఆలోచన రేకెత్తింది. ఆ నలుగురి గుండెల అభిలాష నేడు, ఎన్నో కుటుంబాలలో,వారి వంశాలలో తెలుగు వెలుగయ్యింది. ఆ వెలుగుని పంచే కాంతిపుంజం "మనబడి" అన్న పేరుతో పదేళ్ళ క్రితం పుట్టింది. జగమంత తెలుగు కుటుంబంగా, తెలుగు సాహితీ సాంస్కృతిక సంప్రదాయ స్ఫూర్తితో సాగే సిలికానాంధ్ర క్షేత్రంలో ఒక మహావృక్షానికి బీజం పడింది. అలా విరిసిన మొలకకి  పాదు కట్టి, ఎరువు పెట్టి , నీరు పెట్టి  పెంచారు, ఎందరో భాషాసైనికులు. వారి సేవానిరతికి ప్రతీకగా, ప్రతి ఏటా ఊరూరా ఈ మనబడి అనే అక్షరవృక్షాలు వెలుస్తున్నాయి.వందల కొద్దీ మనబడి కేంద్రాలు తెలుగు నందనవనాలై, తెలుగు సంస్కృతికి ప్రవాస భా