సుజననీయం

- తాటిపాముల మృత్యుంజయుడు సిలికానాంధ్ర ఏర్పడి 18ఏళ్లు పూర్తి అవుతున్న సందర్భంగా ఆగష్టు 4వ తేదీన సంస్థాపక దినోత్సవాన్ని జరపటానికి సన్నాహాలు ముమ్మరంగా జరుగుతున్నాయి. ఈ వేడుకలో ప్రముఖ వాయులీన విద్వాంసులు అశోక్ గుర్జాలే ఆధ్వర్యంలో 20మంది కళాకారులతో వాయులీన నాదామృతవర్షిణి పేరిట సంగీత విభావరి, సినీకవి జొన్నవిత్తుల ఆధ్వర్యంలో పేరడీ కవితాగానం నిర్వహింపబడతాయి. అలాగే, ప్రపంచవ్యాప్తంగా గుర్తింపు పొందిన సేవాసంస్థ రోటరీ క్లబ్ 'సిలికానాంధ్ర రోటరీ క్లబ్' పేరుతో ఏర్పాటు చేయబడుతుంది. ఈ శాఖ సంస్థాపక దినోత్సవ సందర్భంగా 203 మంది సభ్యులతో 'చార్టరింగ్ సెరిమొనీ' జరుతుంది. వివరాలకు 'ఈ మాసం సిలికానాంధ్ర ' శీర్షిక చూడండి. అందరికి ఇదే ఆత్మీయ ఆహ్వానం!

ప్రముఖ రచయిత్రి అబ్బూరి ఛాయాదేవి ఎప్పుడూ చిరునవ్వు తొణికిసలాడే వదనం....ప్రశాంతత నిండిన చూపులు....సంభాషణల్లో అలవోకగా అమరి కురిసే చమత్కారాలు ....అమ్మలా ప్రతిఒక్కరితో అతిమృదువుగా పలకరింపులు.....అవును ఆవిడే అబ్బూరి ఛాయాదేవి. 1933 అక్టోబర్ 13న రాజమండ్రిలో సంప్రదాయ కుటుంబంలో జన్మించారు. ఆరోజుల్నిబట్టి ఆడపిల్లలకి పెద్ద చదువులు చెప్పించడం ముఖ్యం కాదు పెళ్ళి తొందరగా చేసెయ్యాలి అన్న పద్ధతి పాటించారు ఆమె తరఫు పెద్దలు. ప్రసిద్ధ సాహితీవేత్త అబ్బూరి రామకృష్ణరావుగారి కోడలిగా ప్రసిద్ధ రచయిత విమర్శకులు అయిన అబ్బూరి వరద రాజేశ్వరరావుగారి సతీమణిగా సంసారజీవితంలో అడుగు పెట్టారు ఛాయాదేవిగారు. రాజేశ్వరరావుగారితో సాహితీచర్చలు జరిపేందుకు ప్రముఖ కవులు రచయితలు వారి ఇంటికి వచ్చేవారుట. స్వతహాగా ఆమెకు కూడా సాహిత్యం పట్ల చాలా ఆసక్తి ఉండడం వలన ఆమెకూడా ఆచర్చల్లో పాల్గొనేవారుట. ఆవిధంగా ప్రముఖ కవులు రచయితలు తనకు పరిచయ

మనం నిత్యజీవితంలో అగుపించే వస్తువులు కాలక్రమేణ క్షీణిస్తూ చివరకు అంతరించిపోతాయి. బంగారు ఆభరణాలకు కూడా 'తరుగు' ఉంటుంది. విశాల విశ్వంలో ఉన్న అతిపెద్ద నక్షత్రాలు చిట్టచివరి దశలో కాంతిని గుప్పిట బంధించే 'కృష్ణబిలాలు'గా మారుతాయని విజ్ఞానశాస్త్రం ఋజువు చేస్తున్నది. కాని, సర్వకాల సర్వావస్థలయందు అనుక్షణం, ప్రతి తలంపు శ్రీ వేంకటేశ్వరుడుపై మోపిన అన్నమాచార్యుడు 'శ్రీహరి పాదతీర్థమె చెడని మందు' అంటూ శుక్రవారం స్వామికి జరిగే తిరుమజ్జనోత్సవంలో కీర్తించాడు. 'చెడని మందు ' అతి తేలికైన తేటతెల్లని పదం. చిన్న పిల్లాడు కూడా అర్థం అలవోకగా చెప్పేస్తాడు. ఎల్లప్పుడు హితాన్ని కోరుతూ, తన పాండిత్యం ఎక్కడా ఆధిపత్యం చేయనీయకుండా, సంకీర్తనలు రచిస్తూ స్వరపరుస్తూ పాడుతూ నాట్యం చేస్తూ ప్రజల హృదయాలలో సుస్థిర స్థానం సంపాదించాడు అన్నమయ్య. మే 25, 26, 27 తేదీల్లో సిలికానాంధ్ర అన్నమయ్య జయంతి ఉత్సవాన్ని ఎంతో ఘనంగా నిర్వహించింది.

- తాటిపాముల మృత్యుంజయుడు తెనాలి రామకృష్ణుడు తాళ్ళపాక కవులను ఒక పద్యములో ఇలా ప్రశస్తించెను - చిన్నన్న ద్విపదకెఱగును పన్నుగ బెదతిరుమలయ్య పదమున కెఱగన్ మిన్నంది మొరసె నరసిం గన్న కవిత్వంబు పద్యగద్యశ్రేణిన్! అన్నమాచార్యుడు, అతని వంశీయులైన నరసన్న, పెదతిరుమలయ్య, చిన్నన్న అందరూ కవులే. అన్నమయ్య తెలుగు నుడికారమున దిట్ట. సంస్కృతమున కూడా మంచి సంకీర్తనలు రచించాడు కూడా. ద్రావిడ, కర్ణాటక, తెలుగు భాషల్లో మొదటగా సంకీర్తనలు రచించిన వాడు అన్నమాచార్యుడు. అందుకే 'పదకవితాపితామహుడు ' బిరుదాంకితుడు. ఎన్నో కవితారీతుల్లో మధురంగా రచించిన అన్నమయ్య జానపద రీతులు కొన్ని ఇవి - జాజఱలు, గొబ్బి, నలుగులు, గుజ్జెనగూళ్ళు, అల్లోనేరెళ్ళు, తందనాలు. మే 25, 26, 27 తేదీల్లో జరిగే అన్నమయ్య జయంతి ఉత్సవానికి తప్పక విచ్చేయండి. ఆ సంకీర్తనాచార్యునికి గాన, నాట్య కళలతో అర్పించే నివాళిలో పాలుపంచుకోండి. వివరాలకు 'ఈ మాసం సిలికాన

- తాటిపాముల మృత్యుంజయుడు పొత్తిళ్ళలో ఉన్న పిల్లడు ఆ అవస్థనుండి బయటపడి గబగబ పారాడటం మొదలెడితే తల్లికి ఎంతో ఆనందం కలుగుతుంది. అదే భావన, అనుభవం జనవరి 27న సిలికానాంధ్ర కుటుంబసభ్యులకు కలిగింది. ఆ రోజు సిలికానాంధ్ర రెండేళ్ళ క్రితం స్థాపించిన సిలికానాంధ్ర విశ్వవిద్యాలయం (University of Silicon Andhra) మొదటీ స్నాతకోత్సవం జరిగింది. అత్యద్భుతంగా జరిగిన ఈ చారిత్రాత్మక కార్యక్రమంలో సర్టిఫికేట్, డిప్లోమా, మాస్టర్స్ కోర్సులలో చదువులు పూర్తిచేసిన విద్యార్థులు సర్టిఫికేట్లు అందుకొన్నారు. వివరాలకు 'ఈ మాసం సిలికానాంధ్ర ' చూడండి. అలాగే, కాకర్ల త్యాగరాజస్వామి వారు పుష్య బహుళ పంచమి (1847 సంవత్సరం)న సిద్ధి పొందారు. తెలుగులో మధురమైన కృతులు రచించి స్వరపరచిన త్యాగయ్య గురించి 'సంగీతరంజని ' లో చదవండి. తీపి తెలుగురా-సొగసు చూపు తెలుగురా-ఎదల ఊపు తెలుగురా బంగారు తెలుగురా పై పలుకులు బులుసు వెంకటేశ్వర్లు గారివి.

ప్రధాన సంపాదకుడు: తాటిపాముల మృత్యుంజయుడు సంపాదకవర్గం: తమిరిశ జానకి కస్తూరి ఫణి మాధవ్ రాపోలు సీతారామరాజు షంషాద్ మహ్మద్ Cheif Editor: M J Thatipamala Editorial Board: Janaki Tamirisa phani Madhav Kasturi Sita Ramaraju Rapolu shamshad Mahmad

"సంస్కృతి అంటే?" - తాటిపాముల మృత్యుంజయుడు సంస్కృతి అంటే జీవన విధానం, నాగరికత, భాష, సాహిత్యం, కళలు ఇలా కలగలుపుతూ ఎన్ని విధాలుగానైనా చెప్పుకోవచ్చు. సంసృతి అంటే ముందు కాలం సంక్షేమాన్ని దృష్టిలో ఉంచుకొని భావితరాలకు భద్రంగా అందించే సంపద అనుకోవచ్చు. కళలు 64 (చతుషష్టి) విధాలు. వెనువెంటనే మనకు తట్టేవి సంగీతం, సాహిత్యం, నాట్యం, చిత్రలేఖనం మొదలుగాగల జనసామాన్యమైనవి. సర్వే లెక్కల ప్రకారం, ఉత్తర అమెరికాలో గత కొన్నేళ్ళుగా అత్యంత గణనీయంగా పెరుగుతున్న జాతి తెలుగు మాట్లాడే కుటుంబాలు. ఈ విషయాన్ని ముందస్తుగానే గమనించి అనుకుంటాను, సిలికానాంధ్ర 17 ఏళ్ళ క్రితం ఆవిర్భవించి తెలుగు సంసృతిని ముందు తరాలకు అందజేయాలనే ఉద్దేశంతో నిర్విరామంగా కృషి చేస్తున్నది. అదే విధంగా సుజనరంజని మాసపత్రిక కూడా రచనల రూపంలో తెలుగు సంస్కృతిని వెల్లడించడానికి ప్రయత్నం చేస్తున్నది. ఇందుకు సహకరిస్తున్న మీకందరికి సాహితీ వందనాలు!  

- తాటిపాముల మృత్యుంజయుడు డిసెంబర్ నెలంటేనే ఒక సంవత్సరం ముగుస్తున్నట్టు. అలాగే పండుగల కాలం. స్కూల్లకు, కాలేజీలకు కూడా సెలవులు. క్రిస్మ్మస్, నూతన సంవత్సరాది పండగల హడావుడి. మన భారతీయులైతే దీపావళీ పండుగను కూడా జతచేస్తూ నవంబర్ నెలంతా వివిధ కార్యక్రమాలతో వినోదంగా గడుపుతారు. ఇంకా చెప్పుకోవాలంటే నవంబర్ నెల ఆఖరి గురువారం గొప్పగా జరుపుకునే ఉత్సవం 'థాంక్స్ గివింగ్ డే'. ఆ వారం మొత్తం అమెరికాలో చాలావరకు అందరు తమ శక్తిమేరకు ఎంతో కొంత విరాళాలు ఇస్తారు. ఆ సదవకాశాన్ని వినియోగించుకోటానికి స్వచ్చంద సేవా సంస్థలు విరాళాల సేకరణ కార్యక్రమాలు మొదలెడతారు. ఈ క్రమంలోనే దాతలు సిలికానాంధ్ర కూచిపూడీ గ్రామంలో స్థాపించిన సంజీవని వైద్యాలయానికి విరివిగా ధన సహాయం చేసారు. అందుకు మా హృదయపూర్వక కృతజ్ఞతలు! ఈ సంవత్సరం మొత్తం వినూత్న రచనలతో విడుదలైన సుజనరంజని సంచికలను ప్రోత్సాహించిన పాఠకులకు, తమ రచనలను పంపించిన రచయిత(త్రు)

- తాటిపాముల మృత్యుంజయుడు శరీరే జర్జరీభూతే వ్యాధిగ్రస్తే కళేబరే | ఔషధం జాన్హవీతోయం వైద్యో నారాయణో హరిః వైద్యుడు 'నారాయణుడు 'తో సమానమని పై శ్లోకం అర్థం. మనకొచ్చే వ్యాధులు మందులతోనే నయం కావు. ఔషాథాలతో పాటు, మంచి అలవాట్లు, మంచి ఆలోచనలు కూడా చికిత్సకు దోహదం చేస్తాయి. మన జీవనశైలి, మానసిక ఆరోగ్యం కూడా ముఖ్యాంశాలే. సిలికానాంధ్ర సాహిత్యం, సంస్కృతి, సంప్రదాయలను విస్తరింపజేస్తూ తెలుగువారి జీవనవిధానాన్ని గత పదిహేడేళ్ళుగా మెరుగుపరుస్తున్నది. ఇప్పుడు వైద్యసేవలను అందించడానికి కూచిపూడీ గ్రామంలో 'రవిప్రకాష్ సిలికానాంధ్ర సంజీవనీ వైద్యాలయం' ప్రారంభించింది. ఇది ఈ రంగంలో మొదటి అడుగు మాత్రమే. ముందు ముందు వైద్యరంగంలో చాలా సేవలు చేయాలన్నది సిలికానాంధ్ర ఉద్దేశం. వివరాలకు 'ఈ మాసం సిలికానాంధ్ర ' చూడండి. అలాగే మనసుకు ఆహ్లాదపరిచే ఇతర రచనలను చదవండి. ***

నవంబర్ ఒకటి 2018 వతేదీన డా.మంగళగిరి ప్రమీలాదేవి గారు దివంగతులయ్యారు. ఆవిడ వయసు 75 సంవత్సరాలు. మచిలీపట్నంలో హిందూకాలేజ్ లో తెలుగులెక్చరర్ గా ఉద్యోగబాధ్యతలు నిర్వహించారు.చిన్నవయసులోనే సంగీతం లో డిగ్రీ పొందడమేకాక సాహిత్యంలో కూడా పేరుప్రఖ్యాతులు సంపాదించుకున్నారు.నలభైగ్రంధాలు రచించారు.తెలుగు, హిందీ, సంస్కృతం భాషలలో పాండిత్యంఉన్నవ్యక్తి. పదసాహిత్యంలో పరిశోధనలు చేసి పి.హెచ్.డి.పట్టా పొందారు.పదసాహిత్యపరిషత్ అనే సంస్థ స్థాపించి అనేక సాహిత్య సభలు మచిలీపట్నం లోనూ, హైదరాబాద్ లోనూ ఘనంగా నిర్వహించారు. ఆవిడ రాసిన పద్యగేయనాటికలకు 1971లో ఆంధ్రప్రదేశ్సాహిత్య అకాడమీ పురస్కారం లభించింది. ఈమధ్య మధ్యప్రదేశ్ ప్రభుత్వం వారు ఆవిడకు సరస్వతీ సమ్మాన్ పురస్కారం ఇచ్చి సత్కరించారు.ఆంధ్రప్రదేశ్ ప్రభుత్వంఉగాది పురస్కారం ఇచ్చి గౌరవించింది. సుమారు నలభై సంవత్సరాలుగా ఆవిడ నాకు మంచి స్నేహితురాలు.సుజనిరంజనిలో కూడా మంచి వ్యా